منہ اندھیرے ہسپتال جاتے تصاویر وائرل

" >

ویلنگٹن (ویب ڈیسک) نیوزی لینڈ کی رکن اسمبلی جولی این جینٹر نے علی الصبح اکیلے سائیکل چلاتے ہوئے ہسپتال پہنچ کر صحت مند بچے کو جنم دیدیا۔خبروں کے مطابق نیوزی لینڈ کی رکن اسمبلی جولی این جینٹر نے ایک صحت مند بچی کو جنم دیا ہے جس کے لیے انھیں خود سائیکل

چلاتے ہوئے ہسپتال پہنچنا پڑا تھا۔ سماجی رابطے کی ویب سائٹ پر اپنی پوسٹ میں انھوں نے لکھا کہ رات دو بجے مجھے تکلیف بڑھی تو ٹرانسپورٹ کا انتظار کیے بغیر خود سائیکل چلاتے ہوئے ہسپتال پہنچ گئی۔ میں نے کبھی سوچا نہ تھا کہ زچگی کے درد کے دوران سائیکل چلاؤں گی۔رکن اسمبلی نے مزید لکھا کہ ہسپتال پہنچنے کے ایک گھنٹے بعد میں نے ایک صحت مند بچی کو جنم دیا جو اب بڑے مزے سے اپنے باپ کی گود میں سو رہی ہے۔ ہم اپنے گھر نئے مہمان کو خوش آمدید کہتے ہیں۔جولی این جینٹر نے مزید لکھا کہ ہسپتال گھر سے 3 منٹ کی دوری پر تھا اور شروع میں تکلیف کم تھی لیکن درد کے باعث سائیکل چلانے میں مشکل کا سامنا تھا اس لیے یہ سفر 10 سے زیادہ منٹوں پر محیط ہوگیا۔رکن اسمبلی نے اپنی کیفیت کا اظہار کرتے ہوئے لکھا کہ جب میں پارکنگ میں پہنچی تو بے حد خوش تھی کہ منزل تک خیر و عافیت کے ساتھ پہنچ گئی ہوں۔واضح رہے کہ جولی این جینٹر ٹرانسپورٹ کے بے تحاشا استعمال کے باعث آلودگی جیسے مسائل کے خلاف اُٹھاتی رہی ہیں اور لوگوں کو سائیکل کے استعمال کی ہدایت کرتی رہی ہیں۔

29

اپنا تبصرہ بھیجیں